2026 жылғы 10 сәуірде әлемнің 200-ден астам университеті мен білім беру ұйымдарының қатысуымен Қытай халықаралық білім беру көрмесі басталады
2026 жылғы 25 наурызда Қытай ұлттық конференция орталығында Қытай халықаралық білім беру көрмесіне арналған баспасөз конференциясы өтті. Іс-шара ҚХР Білім министрлігіне қарасты Қытайдың ғылыми алмасуларға қызмет көрсету орталығы (CSCSE) тарапынан ұйымдастырылды.
Іс-шараға CSCSE директоры Ван Дацюань, сондай-ақ Қазақстан, Ұлыбритания, Италия, Испания, Австралия және Германияның Қытайдағы дипломатиялық миссиялары мен салалық ұйымдарының өкілдері қатысты. Шара 40-тан астам бұқаралық ақпарат құралдарында, соның ішінде Синьхуа, CCTV және басқа да жетекші медиа алаңдарда кеңінен жарияланды.
Ұсынылған ақпаратқа сәйкес, көрменің ресми ашылуы 2026 жылғы 10 сәуірде Бейжің қаласында өтеді. Іс-шаралар «Ашықтық, ынтымақтастық және өзара тиімді әріптестік: шетелде білім берудің сенімді, қауіпсіз және сапалы дамуына жәрдемдесу» тақырыбымен 10–20 сәуір аралығында Қытайдың бес қаласында — Бейжің, Чэнду, Чжэнчжоу, Ухань және Шанхайда ұйымдастырылады.
2026 жылғы форум халықаралық білім берудің үш негізгі қағидатына — сенімділік, қауіпсіздік және сапаға басымдық береді. Іскерлік бағдарлама аясында келесі талдамалық және зерттеу материалдарын таныстыру жоспарланған:

• * 2026 жылғы шетелде оқу жағдайларын бағалау;
• * шетелден оралған түлектердің жұмыспен қамтылуын талдау;
• * шетелдік түлектер арасындағы кәсіпкерлікті дамыту бойынша зерттеулер.

Сондай-ақ білім алушыларды қолдауға арналған жаңартылған цифрлық инфрақұрылым ұсынылады, оның ішінде «Шетелде білім алудың цифрлық электрондық желісі» (2.0 нұсқасы) сервис платформасы және жұмыспен қамтуға жәрдемдесудің ұлттық платформасы бар. Қосымша бастамалар қатарында шетелдік жоғары оқу орындарының түлектеріне арналған көктемгі онлайн-бос орындар жәрмеңкесі және Қытай–АҚШ жас кәсіпкерлер байқауы секілді тақырыптық іс-шаралар іске қосылады.
Ерекше назар жаһандық академиялық ұтқырлық, шетелде білім алу қауіпсіздігі, біліктіліктерді тану, тілдік дайындық, сондай-ақ білім беру, жұмыспен қамту және кәсіпкерлік арасындағы өзара байланыс мәселелеріне арналған сессияларға бөлінеді.
2026 жылғы көшпелі білім беру көрмесі қатысушылар саны бойынша рекорд орнатпақ. Көрмеге дәстүрлі серіктес елдерден (Ұлыбритания, АҚШ, Австралия) бөлек, білім беру саласындағы ынтымақтастығы дамып келе жатқан Венгрия мен Грузия университеттері де қатысады.
Іс-шара аясында халықаралық сарапшылардың қатысуымен пікір алмасу өтті. Қазақстан Республикасын бұл кездесуде Қазақстан Республикасы Ғылым және жоғары білім министрлігі Жоғары білімді дамыту ұлттық орталығының директоры Әлібек Мадибеков таныстырды.
Жоғары білімді дамыту ұлттық орталығы халықаралық ынтымақтастықты кеңейтуді және Қазақстан Республикасының жоғары білім беру жүйесінің сапасы мен бәсекеге қабілеттілігін арттыруға бағытталған негізгі жаһандық білім беру бастамаларына қатысуды жалғастырады.
Форум мен көрме туралы қосымша ақпарат және қатысуға тіркелу ұйымдастырушылардың ресми интернет-ресурстарында қолжетімді:
https://cieet.cscse.edu.cn/en_cieet/gzdt/index.html#link_zyjb